Эмине Караманова тахаллуси остида фаолият юритган Лемара Мирзааҳмедова 7 йил-у 6 ой муддатга озодликдан маҳрум қилинди. Бу ҳақда Олий суд матбуот хизмати хабар қилди.
Жиноят ишлари бўйича Зангиота туман судининг 2023 йил 12 октябрдаги ҳукмига мувофиқ, Лемара Мирзааҳмедова Жиноят кодексининг қуйидаги моддалари билан айбдор деб топилган:
— 139-моддаси (туҳмат қилиш) 3-қисми “а” банди (оғир ёки ўта оғир жиноят содир этишда айблаб) ҳамда “г” банди (ғаразгўйлик ёки бошқа паст ниятларда);
— 140-моддаси (ҳақорат қилиш) 2-қисми (интернет жаҳон ахборот тармоғида жойлаштириш орқали);
— 165-моддаси (товламачилик) 3-қисми “а” банди (жуда кўп миқдорда).
Тошкент вилоят суди жиноят ишлари бўйича судлов ҳайъати аппеляция инстансиясининг 13 декабрдаги суд ажрими билан Мирзааҳмедованинг аппеляция шикояти рад этилган ва биринчи инстансия суди ҳукми ўзгаришсиз қолдирилган.
Блогер жазо муддатини умумий тартибдаги колонияда ўтайди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!