Туркия Исроил билан барча савдо алоқаларини тўхтатди, пайшанба кунидан бошлаб барча импорт ва экспорт тўхтатилди, дея хабар беради Блоомберг агентлиги икки турк амалдорига таяниб.
“Туркия пайшанба кунидан бошлаб Исроилга барча экспорт ва импортни тўхтатди”, – дейилади агентлик баёнотида. Таъкидланишича, Туркия бу қарорни ҳали расман эълон қилмаган. Агентлик хабарида қарор ҳақида бошқа тафсилотлар берилмаган.
Апрел ойида Туркия президенти Ражаб Тоййиб Эрдўған Анқара энди Исроил билан кучли савдо алоқаларини ўрнатмаслигини айтди.
Аввалроқ, Туркия ТИВ раҳбари Хакан Фидан Ғазо секторидаги ҳаракатлари туфайли Исроилга қарши санкциялар мажмуасини эълон қилган эди. Исроил гуманитар ёрдамни етказиб беришни таъминламагунча ва сулҳ эълон қилгунга қадар санкциялар қўлланилади.
Туркия савдо вазирлиги томонидан эълон қилинган пресс-релизда экспорт чекланган 54 та товар гуруҳи аниқланган. Улар орасида авиация ёқилғиси, мотор ва минерал мойлар, цемент, турли хил машиналар мавжуд. Кейинчалик Туркия президенти маъмурияти Анқаранинг Исроил ҳарбий самолётларига ёқилғи етказиб бераётгани ҳақидаги хабарларни рад этиб, унинг фуқаро авиацияси учун мўлжалланганлигини тушунтирган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!