Маълум қилинишича, 4 ва 5 март кунлари Тошкент вилоятининг Бўстонлиқ туманига элтувчи айрим йўлларда автотранспорт воситалари ҳаракати вақтинча чекланади.

Бугун, 4 март куни “Велоспорт-шоссе” бўйича спорт мусобақалари ўтказилиши муносабати билан, соат 10:00 дан 14:00 га қадар “Бектемир– Чорбоғ” автомобиль йўлининг 20 км масофаси (Чирчиқ шаҳрига кириш платина ҳудудидан “Оқсоқота” МФЙгача) ёпилади.

Шунингдек, 5 март куни соат 10:00 дан 14:00 га қадар (Чирчиқ шаҳрига кириш платина ҳудудидан “Ғалабасой” МФЙгача) автотранспорт воситалари ҳаракати вақтинча чекланади.

Ҳаракат иштирокчиларига эса шу вақтлар оралиғида айланма йўллардан фойдаланиш тавсия этилади.