3 март куни Сенатда халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси раисининг ўринбосари Одилжон Маматкаримовнинг Миср Араб Республикасининг Ўзбекистон Республикасидаги Фавқулодда ва Мухтор элчиси Тамир Фатҳи Абдуссалом Ҳаммад билан учрашуви бўлиб ўтди.

Учрашувда икки мамлакат парламентлари ўртасидаги муносабатлар, жумладан, жорий йилнинг 5-9 апрель кунлари Тошкентда бўлиб ўтадиган парламентлараро иттифоқнинг 150-юбилей Ассамблеясида Миср парламент делегациясининг иштироки юзасидан фикр алмашилди.

Элчига бундай нуфузли тадбир Ўзбекистонда тарихда биринчи марта ўтказилаётгани ва унда парламентлараро иттифоққа аъзо 190 га яқин давлатлардан 2 мингга яқин парламент аъзолари иштирок этиши ҳақида хабар берилди.

Т. Ҳаммаднинг таъкидлашича, ушбу тадбирда иштирок этиш учун Миср Араб Республикаси парламенти раиси бошчилигидаги делегациянинг 14 аъзоси Ўзбекистонга ташриф буюради.

Шу муносабат билан парламентлараро иттифоқ Ассамблеяси билан боғлиқ ташкилий масалалар юзасидан фикр алмашилди.

• Элчи
• Misr
• Сенат