Полшанинг авиация соҳасини ёритишга ихтисослашган Rynek Lotniczy интернет порталида “Ўзбекистондаги “Қанот Sharq Airlines” хусусий авиакомпаниясининг навбатдаги харидларига бағишланган мақола эълон қилинди”, – деб хабар бермоқда “Дунё” ахборот агентлиги.

Портал маълумотига кўра, ўтган ҳафта “Аир Lease Corporation” (АЛC) компанияси “Қанот Sharq Airlines” хусусий авиакомпанияси ўртасида бешта янги Airbus A321neo самолёти, шу жумладан, A321XLR моделининг модификацияси учун узоқ муддатли лизинг шартномалари тузилгани эълон қилинди.

Қайд этилганидек, бешта Airbus A321neo самолёти лизинги ўз ичига иккита A321LR ва учта A321XLR моделларни олади. “Ўзбекистон авиакомпанияси мазкур самолётларни 2026 ва 2027 йилларда қабул қилиб олади”, – деб ёзган манба.

“Ушбу замонавий ҳаво кемалари бизга янги йўналишларни очиш, ёқилғи самарадорлигини ошириш ва йўловчиларига энг яхши хизматларни тақдим этиш имконини беради”, – дея “Қанот Sharq Airlines” авиакомпанияси раҳбари Носир Абдуғаффоров сўзларидан иқтибос келтирилган материалда.

Ҳозирги кунда ўзбек авиакомпанияси парки еттита Airbus самолёти, шу жумладан, иккита A320, иккита A321neo ва учта A-200 дан иборат. “Шунингдек, авиакомпания яна олтита Airbus самолёти етказиб берилишини кутмоқда. Улардан иккитаси A321LR, учта A321XLR ва биттаси А330-200 русумли самолётлардир”, – дейилган мақолада.

• Samolyot