Ўзбекистон Осиё сув кенгашига (АWC) аъзо бўлди. Ўзбекистон сув хўжалиги вазири Шавкат Ҳамраэв Камбоджада бўлиб ўтган AWC Директорлар кенгашининг 22-йиғилишида иштирок этди. Вазир ташкилот вакиллари билан учрашувлар ўтказди, сувдан самарали фойдаланиш бўйича инновацион ечимлар кўргазмасига ташриф буюрди.

AWC 2015 йилда Жанубий Корея ташаббуси билан ташкил этилган. Кенгаш ҳозирда 26 мамлакатдан 170 дан ортиқ аъзоларни бирлаштирган. Кенгаш сувни тежовчи технологияларни илгари суриш ва илмий тадқиқотларни қўллаб-қувватлаш билан шуғулланади.

Кенгаш ҳар уч йилда бир марта Осиё халқаро сув ҳафталигини ташкил қилади. Бундан ташқари, AWC халқаро ташкилотлар билан ҳамкорлик қилади ва уларнинг эътиборини Осиёдаги сув муаммоларини ҳал қилишга қаратади.

• Осиё
• Сув