Самарқанд яқинида, қадимий Кофирқалъа шаҳрида олиб борилган археологик қазилмалар орасидан топилган VIII асрга доир ноёб бўртма паннонинг таркибий реставрацияси тугатилди.

Кофирқалъани ўрганиш пайтида ёнғиндан зарар кўрган тахт хонаси топилган бўлиб, у ёғоч панеллар билан безатилган бўлган. Тадқиқотчиларнинг таъкидлашича, айнан ёнғин панноларнинг сақланиб қолишини таъминлаган, агар у содир бўлмаганида бу вақтга келиб ёғочлар чириб кетган бўларди.

Маълум қилинишича, камида 1300 йиллик тарихга эга ушбу бебаҳо артефакт Маданият вазирлиги ҳузуридаги Маданият ва санъатни ривожлантириш жамғармаси ва Лувр музейи мутахассислари ҳамкорлигида қайта тикланган. Эндиликда у Лувр музейида ўтказиладиган кўргазмада экспонатлар сафидан жой олади.

• Самарқанд
• артефакт