Украина расмийларига кўра, 10 июлга ўтар кечаси Россия Киевга дронлар ва баллистик ракеталар билан зарбалар берган.

Киев шаҳар ҳарбий маъмурияти раҳбари Тимур Ткаченконинг хабар беришича, Киевнинг олти туманида ҳужумлар қайд этилган.

“Турар жой бинолари, автомобиллар, омборлар, офис ва нотурар бинолар ёнмоқда. Тунги ҳужумлар оқибатида икки киши ҳалок бўлди, 14 киши жароҳатланди”, — деб ёзди Ткаченко Telegram саҳифасида.

Ткаченко, шунингдек, Киевда ҳаво ифлосланиши кучайганлиги сабабли пойтахт аҳолисидан уйлари деразаларини очмасликни сўраган.

“Ўтган тунда Россия Украина томон 18 та ракета, жумладан баллистик ракеталар ва тахминан 400 та дрон учирди. Ҳужум деярли ўн соат давом этди. Русларнинг асосий нишони пойтахт Киев бўлган”, — деди Украина президенти Володимир Зеленский.

• Havo hujumi
• Kiyev
• Raketa
• Россия
• Украина