Билимни баҳолаш агентлиги тест синовларидан кейин олий таълим муассасалари ва йўналиш танлаётган абитуриентларга эслатма берди.

Унга кўра, 2 та танлов устуворлиги мавжуд бўлиб, абитуриент устуворлик сифатида:

“Давлат гранти”ни танласа — танлаган барча таълим йўналишларида дастлаб давлат гранти, сўнгра тўлов-контракт асосида;

“Таълим йўналиши”ни танласа — ҳар бир таълим йўналишида давлат гранти ва тўлов-контракт асосида кетма-кет танловда иштирок этади.

Абитуриентга:

танлаган таълим йўналишларининг исталган бирига давлат гранти асосида ўқишга кириш муҳим бўлса, “Давлат гранти” устуворлигини;

давлат гранти ёки тўлов-контракт бўлишидан қатъи назар биринчи танлаган йўналишларига ўқишга кириш муҳим бўлса, “Таълим йўналиши” устуворлигини танлаш мақсадга мувофиқ.

“Танлов устуворлигини белгилашда эътиборли бўлинг” - дейилади агентлик берган хабарда.

• Bilim va malakani baholash agentligi
• Oliy ta'lim, fan va innovatsiyalar vazirligi
• Qabul OTM
• Таълим