Аввалроқ “Маданият ва маърифат” телеканалини “Карвон” телеканалига айлантириш бўйича қарор лойиҳаси эълон қилинганди. Бу эса жамоатчилик орасида кўплаб муҳокамаларга сабаб бўлди. Маданият ва туризм вазири Озодбек Назарбеков телеканал номи ўзгармаслигини маълум қилди.
“Хабарингиз бор, Ўзбекистон Республикаси Президентининг “Карвон” телеканалини ташкил этиш чора-тадбирлари тўғрисида”ги қарори лойиҳаси (ИД-78167 (В-1) тайёрланиб, бир неча кун аввал норматив-ҳуқуқий ҳужжатлар лойиҳаларини ишлаб чиқиш ва келишишнинг ягона электрон тизими – project.gov.uz'да эълон қилинди. Қувонарлиси, мазкур қарор лойиҳаси жамоатчилик томонидан қизғин кутиб олинди ҳамда ижтимой тармоқда кенг муҳокамаларга сабаб бўлди.
Ҳафта давомида трендга чиққан “Маданият ва маърифат” телеканали атрофидаги фикр-мулоҳазалар миллатимиз зиёлилари, телеижодкорлар юрагида йиғилиб қолган дардларни ҳам ошкор қилди”, – дейди вазир.
Назарбековнинг таъкидлашича, бу чиқишлар тўлқинида у қуйидагиларни белгилаб олган:
“Бу ва бошқа ёндош масалалар босқичма-босқич ҳал этилиши лозим, бу жараёнларда эса бутун жамоа бирлашиши, баҳс-мунозара майдонида кўрсатган қатъиятини иш майдонида ҳам намоён этиши зарур деб биламан. Зеро шу юрт, шу халқ вакиллари сифатида барчамиз умумий мақсад йўлида – миллатни юксалтириш, юрт равнақига ҳисса қўшиш йўлида камарбастамиз”, дейди Маданият ва туризм вазири.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!