Суриянинг янги конституцияга кўра, тўрт йилдан сўнг президентлик сайловлари ўтказилади.

Бу ҳақда Араб Республикасининг ўтиш даври президенти Аҳмад аш-Шараа Доҳа форумида сўзлаган нутқида маълум қилди.

“Биз кенг қамровли миллий мулоқот конференциясини ўтказдик, натижада муваққат конституциявий декларация қабул қилинди. Бу декларация президентга беш йил давомида ҳокимиятда қолиш ҳуқуқини берди, бу вақт ичида кўплаб қонунлар қабул қилинади ва конституция ишлаб чиқилади, бу ҳукумат тизимининг асоси бўлиб хизмат қилади. Биз, албатта, тўрт йилдан кейин сайлов ўтказамиз”, — деган аш-Шараа.

У ўтиш даври ҳукумати “мамлакат оғир шароитларга тушиб қолганига қарамай” парламент сайловларини уюштирганини таъкидлаб, бу жараён етарли инфратузилма мавжуд бўлмаган шароитда “мавжуд вазиятга мувофиқ” амалга оширилганини таъкидлаган.

• Конституция
• Президент
• Suriya
• saylov