Ўзбекистонлик гроссмейстер Нодирбек Абдусатторов Халқаро шахмат федерациясининг (FIDE) январь ойидаги рейтингида дунёнинг энг яхши 15 нафар шахматчиси қаторига кирди.

19 ёшли шахматчи бир ой ичида турнир жадвалида 22-ўриндан 15-ўринга кўтарилди.

Маълумот учун, Абдусатторов Ўзбекистон тарихида бундай натижага эришган иккинчи шахматчи бўлди.

2015 йилнинг май ойида шахмат бўйича 17-жаҳон чемпиони Рустам Қосимжоновнинг максимал рейтинги 2715 баллни ташкил этганди, у ўшанда 11-ўринга кўтарилган.

• Nodirbek Abdusattorov
• Шахмат