24 май ҳолатига кўра, Ўзбекистон ҳудудлари бўйлаб 52 328 доза COVID-19'га қарши вакцина қўлланилган. Улардан 1-босқич эмланганлар 2 277 нафарни, 2-босқич эмланганлар 3 781 нафарни ташкил этган. Бустер доза билан эса 46 270 нафар киши эмланган.

Қайд этилишича, айни кунгача мамлакатимизда жами 78 460 460 доза вакцинадан фойдаланилган. Улардан:

1-босқич эмланганлар 21 745 444 нафарни,

2-босқич эмланганлар 18 830 933 нафарни,

3-босқич эмланганлар 11 197 039 нафарни,

Бустер доза билан эмланганлар 26 687 044 нафарни ташкил қилган.

Биринчи доза билан эмланиш кўрсаткичи эмланиши режалаштирилган қатламга нисбатан 93,7 фоизни ташкил қилмоқда. 12-18 ёшдаги эмланувчилар учун эса жами 3 551 132 доза вакцинадан фойдаланилган.

Маълум қилинишича, эмлаш жараёнлари давом этмоқда.

• COVID-19
• Вакцина
• коронавирус