“Владимир Путин Россия президенти сайловида камида 31,6 миллионта овозни сохталаштириш йўли билан қўлга киритган” – дея ёзмоқда “Новая газета Европа” математик Сергей Шпилкин усулидан фойдаланиб.

Ушбу усул бюллетенларни қўшиб қўйиш ва якуний баённомаларни қайта ёзиш орқали ғолиб номзодга нечта овоз қўшилганини кўрсатиб беради. Бунинг учун муайян бир участкада овозларнинг турли номзодларга тақсимланиши бу ерга келиб овоз берган жами сайловчилар сони билан таққосланади.

Нашр ҳисоб-китобларига кўра, Россияда жорий президент сайловларида овозларни қалбакилаштириш кўлами рекорд даражада бўлган. Айни вақтда нашр овоз беришга келган сайловчилар сони бўйича расмий маълумотларга таянди, уларнинг ишончлилигини текшириш имкони йўқ.

Сайловда электрон тарзда овоз беришни ҳисобга олмаганда, расмий маълумотларга кўра, 74,5 миллион киши қатнашган. Марказий сайлов комиссияси даъво қилишича, уларнинг 64,7 миллиони Путинга овоз берган. МСК бюллетенларнинг 100 фоизи ҳисоблаб чиқилгач, Путин 87,28 фоиз овозларни қўлга киритганини маълум қилганди.

• Путин
• Россия
• saylov