Президент Владимир Путин Озарбайжон президенти Илҳом Алиев билан суҳбат чоғида AZ самолёти билан содир бўлган фожиали ҳодиса Россия ҳаво ҳудудида юз бергани учун узр сўради. Бу ҳақда Кремль хабар берди.

Давлат раҳбарлари Россия томонининг ташаббуси билан бўлиб ўтган қўнғироқ чоғида вазиятни муҳокама қилди.

“Владимир Путин фожиали воқеа Россия ҳаво ҳудудида юз бергани учун узр сўради ва қурбонларнинг оила аъзоларига яна бир бор чуқур ва самимий ҳамдардлик билдирди ҳамда жароҳатланганларнинг тезроқ соғайиб кетишини тилади”, — дейилади Кремль хабарида.

Кремлнинг қайд этишича, Озарбайжон самолёти Грозний аэропортига бир неча бор қўнишга уринган. “Бу вақтда Грозний, Моздок ва Владикавказ Украина жанговар учувчисиз учиш аппаратлари томонидан ҳужумга учраган ва Россия ҳаво мудофаа тизимлари бу ҳужумларни қайтарган”, — дейилади хабарда.

• Илҳом Алиев
• Озарбайжон
• Путин
• Россия