Кеча, 24 февраль куни соат 16:08 ларда Қарши шаҳридаги автомобилларга газ қуйиш шохобчасида Nexia-3 портлаб кетди. Ҳолат юзасидан Қашқадарё вилоят ФВБ хабар берди.

Маълум қилинишича, Насаф кўчасида жойлашган “New Power” “заправка»сида Nexia-3 машинасига газ қуйилаётган вақтда унга ўрнатилган газ баллони портлаган.

Оқибатда машинанинг орқа қисми тўлиқ шикастланган. Ҳодиса жойида ёнғин содир бўлмаган ва ҳеч ким тан жароҳат олмаган.

Қайд этилишича, ҳозирда, ҳолат бўйича тегишли соҳа вакиллари томонидан суриштирув ишлари олиб борилмоқда.

“Шу ўринда Фавқулодда вазиятлар вазирлиги барча ҳайдовчилардан ўз бошқарувидаги автомобилларни вақтида техник кўрикдан ўтказишларини ва барча хавфсизлик қоидаларига риоя қилишларини сўрайди”, – дейилади хабарда.

• ФВВ
• portlash