NYT нашрига кўра, Россия президентининг бу қадами Трампнинг “тоқатсиз маъмуриятига” РФ ҳали ҳам музокаралар олиб боришга тайёрлигини кўрсатиши керак.

“Путин вақтинчалик сулҳ режими билан икки мақсадга эришиши мумкин: президент Трампга Россия тинчлик сари қадам ташлаётганини кўрсатиш ва Зеленскийни қийин аҳволга солиб қўйиш. Украина унга риоя қилмаса, Трамп Украинани урушни тўхтатиш бўйича қадамларга қаршилик кўрсатишда айблаши мумкин. Украинанинг режимга риоя қилиши янаям хавфли — кўпчилик украиналиклар Россия мавжуд танаффусдан фойдаланиб, қўшинларини қулай позицияларга кўчириб қўйишидан хавотир билдиришмоқда”, – дейилади мақолада.

Украина раҳбари Россия томонидан таклиф қилинган ушбу “Пасха сулҳи” таклифига розилик билдирди. “Тинчликка тинчлик билан, ҳужумларга эса фақат ҳимоя билан жавоб берамиз. Агар чинакам оташкесим ҳукм сурса, Украина уни 20 апрель Пасха кечасидан кейин ҳам давом эттиришни таклиф қилади. Бу Россиянинг асл ниятларини намоён этади, чунки 30 соат сарлавҳалар учун етарли бўлиши мумкин, аммо ишончни мустаҳкамлаш учун эмас. Ўттиз кун эса тинчликка эришишга имкон яратиши мумкин”, — дея таъкидлаган Зеленский.

• Битим
• Россия
• Украина