Бугун, 20 апрель футбол бўйича U17 ёш тоифасидаги Осиё кубогининг сўнгги ҳал қилувчи финал баҳсида Ўзбекистон терма жамоаси мезбон Саудия Арабистонига қарши майдонга тушади.

Учрашувни қатарлик Муҳаммад Аҳмад Ал-Шаммари бошқариб боради. Унга қанотларда Юсуф Ареф Ал-Шамари (Қатар) ва Нуаннид Дорнжангрид (Таиланд) ёрдам беради. 4-расмий ҳакам сифатида Ким Ю-Жеонг (Корея Р.), ВАРда эса Даниел Жон Элдер (Австралия) ишлайди. Баҳсда Ўзбекистон термаси тўлиқ оқ либосда, дарвозабон эса қора либосда ҳаракат қилади.

Маълумот учун, ушбу икки терма жамоа Осиё кубогининг “А” гуруҳидан финалгача етиб келди. Гуруҳ босқичида Ўзбекистон терма жамоаси саудиялик тенгқурларини 3:0 ҳисобида таслим қилганди. Ушбу натижа бугунги муҳим ўйин олдидан Исломбек Исмоилов шогирдларига катта ишонч бериши мумкин.

Бош соврин учун ўтадиган мазкур учрашув соат 20:00 да Тоиф шаҳридаги “Қирол Фаҳд” стадионида старт олади.

• финал
• Футбол
• Осиё Чемпионати
• Ўзбекистон
• Саудия Арабистони