Қашқадарё вилояти ҳокими Муротжон Азимов бугун, 24 март куни Хитойнинг “Soho Holding” корпорацияси вице-президенти Томас Динг бошчилигидаги делегацияни қабул қилди. Бу ҳақда вилоят ҳокимлиги матбуот хизмати хабар берди.

Қайд этилишича, учрашувда томонлар кўп тармоқли ҳамкорликни амалга ошириш бўйича бир қатор масалаларда келишиб олинган.

Жумладан, йирик миқдордаги мош ва нўхат экспорти бўйича шартнома имзоланиб, тегишли ҳужжатлар расмийлаштирилиши билан маҳсулотларнинг дастлабки партиясини (10 та контейнер) апрель ойида Хитойга экспорт қилишга эришилган.

Шунингдек, келгусида товуқ оёғи ва мол ошқозонини экспорт қилиш, ипакчилик ва пилла етиштириш йўналишида ҳам ҳамкорлик қилиш юзасидан музокаралар олиб борилган.

• Экспорт
• Qashqadaryo
• Хитой