Париж чиқиндичилари касаба уюшмаси шаҳар мериясини ХХХIII Олимпия ва Паралимпия ўйинлари вақтида бўлиши мумкин бўлган иш ташлашлар ҳақида маълум қилди. Тегишли баёнот касаба уюшма сайтида эълон қилинди. Бу ҳақда “Мир24” хабар берди.

Қайд этилишича, иш ташлашлар 14-16 май, 22-24 май ва 1 июлдан 8 сентябргача бўлиб ўтиши мумкин. Касаба уюшмаси мериядан иш ҳақини 400 еврога оширишни ва 1,9 минг евро миқдорида Олимпия мукофоти тўлашни талаб қилган. Франциядаги Олимпиада 26 июлдан 11 августгача, Паралимпия ўйинлари эса 28 августдан 8 сентябргача бўлиб ўтади.

Ўтган йили Париждаги чиқиндичилар ҳукуматнинг пенсия ислоҳотига қарши норозилик билдиришган. Улар кўчаларни тозаламаган, шунинг учун 10 минг тонна чиқинди тўпланган.

• Олимпиада
• Parij