Россиянинг Санкт-Петербург шаҳрида ўзбекистонлик сотувчи тарвузни арзонроқ нархда сотишдан бош тортгани учун харидор томонидан пичоқлаб кетилди.
Қайд этилишича, воқеа кеча, 13 август куни Художников проспектидаги мева-сабзавот дўконида содир бўлган. Номаълум шахс ушбу шохобчада ишлайдиган 46 ёшли Ўзбекистон фуқаросининг олдига келиб, ундан тарвузни арзон нархда сотишини сўраган. Сотувчи нархни туширишга рози бўлмагач, харидор ўзбекистонликнинг ошқозон қисмига пичоқ урган. Шундан кейин эркак воқеа жойидан қочиб кетган.
Жабрланувчи эса шифохонага ётқизилган. Полиция ҳолатни ўрганишни бошлаган. Ҳужум қилган шахс айни дамда қидирилаётгани айтилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!