Нодирбек Бахтиёрович Сайфуллаев Ўзбекистон Республикаси Президенти Администрацияси маданият ва санъатни ривожлантириш шўбаси мудири лавозимига тайинланди.
Нодирбек Сайфуллаев 1975 йил Тошкент шаҳрида туғилган. 1996 йил Тошкент давлат Маданият институтини, 2005 йилда Ўзбекистон Республикаси Президенти ҳузуридаги Давлат бошқаруви академиясини тамомлаган, санъатшунослик фанлари номзоди. Нодирбек Сайфуллаев Ўзбекистон Республикаси Олий Мажлиси Сенатининг аъзоси Бахтиёр Сайфуллаевнинг ўғли ҳисобланади.
Меҳнат фаолияти давомида “Ўзбектеатр” бирлашмаси бошқарма бошлиғи ўринбосари, бош директори ўринбосари вазифаларида ишлаган. Шунингдек, ўриндошлик асосида Ўзбекистон давлат санъат институтининг Санъатшунослик кафедрасида педагоглик фаолиятини олиб борган.
2014 йил мартдан Ўзбекистон Республикаси Вазирлар Маҳкамасида бош мутахассис, 2016 йил октябрдан Маданият ва санъат масалалари шўба мудири лавозимларида ишлаган.
Таъкидлаш жоизки, Нодирбек Сайфуллаев шу кунга қадар Камолиддин Беҳзод номидаги Миллий рассомлик ва дизайн институти ректори лавозимида фаолият юритиб келаётган эди.
Эслатиб ўтамиз, аввалроқ Камолиддин Беҳзод номидаги Миллий рассомлик ва дизайн институти ректори лавозимига Аббосжон Мирзораҳимов тайинлангани ҳақида хабар берилган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!