20°
Кечаси 14°
Нидерландиянинг Вейк ан-Зее шаҳрида шахмат бўйича Tata Steel Chess-2024 турнирида кеча 7-тур баҳслари ўтказилди.
Турнирнинг Мастерс гуруҳида иштирок этаётган ўзбекистонлик гроссмейстер Нодирбек Абдусатторов 7-турда нидерландиялик Аниш Гирига қарши оқ доналарда ўйнади. Нақ 6 соат давом этган ўйинда ҳамюртимиз муҳим ғалабани қўлга киритди.
Абдусатторов кеча юқори аниқликда ўйнадики, у рақибнинг кичик ноаниқ юришларидан сўнг устунликни қўлга олди ва тахминан 30-юришлардан бошлаб рақибни мағлубият бурчагига сиқиб борди. 60-юришга келиб Гири мағлубиятни тан олди.
Tata Steel Chess-2023'да Абдусатторов энг сўнгги турда Анишни олдинга ўтказиб юбориб, чемпионликдан маҳрум бўлганди. Нодирбек кечаги ғалабадан сўнг ўз очколарини 4,5 тага етказиб, пешқадамга айланди. Ҳамюртимиз 8-турда россиялик Ян Непомняшчийга қарши қора доналарда ўйнайди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
