Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил девонининг Тошкент вилояти ҳудудий шубаси томонидан Текширувларни мувофиқлаштириш йўналишида уларни қисқартириш ва тадбиркорлар фаолиятига асоссиз аралашувларини олдини олиш чоралари кўрилмоқда. Хусусан ўтган йил давомида вилоятдаги 27 та назорат органи томонидан тадбиркорлар фаолиятида 7 000 дан зиёд  текширувлар ўтказилган бўлиб, ўтказилган текширувларнинг 65 фоизи солиқ ва 20 фоизи фавқулодда вазиятлар органлари ҳиссасига тўғри келмоқда.

Назорат органлари томонидан ўтказилган назорат тадбирлари таҳлилига кўра текшириш ўтказган ходимлар томонидан  60 га яқин ноқонуний текшириш ва текшириш ўтказиш тартибини бузиш ҳолатларига йўл қўйилганлиги аниқланди.

Тадбиркорлик субъектларида текшириш ўтказишнинг белгиланган тартибига риоя этмаслик ҳолатларига асосан Ўсимликлар карантини агентлиги, солиқ, Санитария-эпидемиологик осойишталик ва жамоат саломатлиги бошқармалари ва қурилиш соҳасида ҳудудий назорат инспекцияси ходимлари томонидан йўл қўйилган. Ушбу қонунбузилиши ҳолатлари юзасидан назорат қилувчи органларнинг 62 нафар мансабдор шахсларига нисбатан маъмурий баённома расмийлаштирилиб тегишли чоралар кўрилиши таъминланди.

Вакил Девони томонидан бу борадаги назорат тадбирлари давом эттирилмоқда.

Бизнес Вакил девони матбуот хизмати.

• Sanitariya
• Тадбиркорлик