Тошкент вилояти ҳокими Даврон Ҳидоятов Нурафшон шаҳрида Зулфия Закирова номига ҳайкал мажмуаси ва замонавий кутубхона биносини қуришга маҳаллий бюджетининг орттириб бажарилган қисмидан маблағ ажратиш тўғрисидаги қарорни имзолади.
Қайд этилишича, вилоят марказида олиб бориладиган мазкур қурилиш ишлари учун жами 34,4 миллиард сўм, жумладан:
– Нурафшон шаҳрида Зулфия Закирова номига ҳайкал мажмуасини қуриш ва атрофини ободонлаштириш ишлари учун 28,4 млрд сўм;
– “Nurafshon Business City” ҳудудида замонавий кутубхона биносининг қурилиши учун 6 млрд сўм маблағ ажратилади.
Ҳайкал ва кутубхона қурилишига вилоят ҳокимлиги ҳузуридаги “Тошкент вилоятида бизнес марказларини қуриш дирекцияси” давлат унитар корхонаси (Сарвар Кадиров) масъул этиб тайинланган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!