Бош прокуратура ҳузуридаги Департаментнинг Яккасарой туман бўлими томонидан ўтказилган терговга қадар текширувда, фуқаро М.Т. ва бошқалар тадбиркор А.Н.га ўзларини товар хомашё биржасида гўёки брокер сифатида ишлаб келаётганлигини айтиб, шу йўл билан «М.Е.» МЧЖнинг депозит ҳисоб-рақамидаги пулларни назорат қилувчи банк калитини қўлга киритишган.
Бу орқали корхонанинг 4,3 млрд. сўмини «М.С.», «И.Т.» ва бошқа МЧЖларга ўтказишга эришиб, ўз эҳтиёжлари учун сарфлаганликлари ҳамда фуқаро М.Т. ушбу маблағлар ҳисобидан қиймати 406 млн. сўмлик “Hyundai Sonata” русумли автотранспорт воситасини харид қилиб, жиноий фаолиятдан олинган даромадини легаллаштирганлиги аниқланган.
Маълум қилинишича, мазкур ҳолат юзасидан Жиноят кодексининг 168-моддаси (фирибгарлик) ва 243-моддаси (жиноий фаолиятдан олинган даромадларни легаллаштириш) билан жиноят иши қўзғатилиб, тергов ҳаракатлари ўтказилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!