“Кинг Лонг” русумли автобус ва Tracker русумли енгил автомобил иштирокида содир бўлган йўл-транспорт ҳодисаси юзасидан расмий маълумот берилди.

Бугун, 29 февраль куни соат 06:45 ларда, “2-Автобус саройи” филиали тасарруфидаги “Кинг Лонг” русумли, сарой рақами 556 бўлган, 63-сонли йўналишда ҳаракатланаётган ҳайдовчи А.Ж. бошқарувидаги автобус, АШБ томон ҳаракатланаётган вақтда М.Улуғбек тумани, Янги Ўзбекистон кўчаси чорраҳасидан қайрилиб олиш вақтида, қарама-қарши йўналишда ҳаракатланиб келаётган Tracker русумли енгил автомобил юқори (197 км/соат) тезликда келиб, автобус (ўрта шина қисмига тегиб) билан тўқнашув содир этган. Ушбу йўл-транспорт ҳодисаси вақтида автобус салонида йўловчилар бўлмаган. Tracker автомобили ҳайдовчиси тан жароҳати олган ва тез тиббий ёрдам кўрсатиш учун шифохонага олиб кетилган.

Ҳозирда ушбу йўл-транспорт ҳодисаси Тошкент шаҳар ИИББ ЙҲХБ ходимлари томонидан расмийлаштирилиб, тергов-суриштирув ишлари олиб борилаётганлиги маълум қилнган.

• Автобус
• Автомобил
• Тошкент
• YTH