“Биз кўплаб масалалар бўйича бир тўхтамга келдик ва Канададаги сайловлардан сўнг тез орада учрашамиз”, – деб ёзди Трамп Truth Social ижтимоий тармоғидаги саҳифасида. Канадада парламент сайловлари 28 апрель куни бўлиб ўтади.

Шунингдек, Карни АҚШ ва Канада ўртасидаги чуқур иқтисодий ва ҳарбий алоқалар даври тугаганини эълон қилган. Унинг сўзларига кўра, Трамп маъмурияти Канададан импорт қилинадиган автомобилларга 25 фоизлик бож жорий этгани учун жавоб чоралари кўрилади.

Канададаги парламент сайловлари мамлакат ва Қўшма Штатлар ўртасидаги муносабатлар таранглашган пайтга тўғри келди. Трамп бир неча бор Канадага АҚШнинг 51-штати сифатида қараш истагини билдирган.

Карни эса кескин позицияни танлаб, “АҚШ президенти Канадага ҳурмат билан муносабатда бўлмагунча ва аннексия таҳдидларини тўхтатмагунча, савдо музокараларида иштирок этмайман”, –дея баёнот берган.

• АҚШ
• Канада
• Музокара
• Трамп