Исроил ўзининг энг йирик савдо ҳамкори бўлган АҚШдан импорт қилинадиган маҳсулотлар учун божхона тўловларини бекор қилди. Бу ҳақда Anadolu агентлиги хабар берди.

Ушбу қарор мамлакат бош вазири Бинямин Нетаняху бошчилигидаги ҳукумат томонидан қабул қилинган. Нетаняху девони, Молия вазирлиги ҳамда Иқтисодиёт ва саноат вазирлиги қўшма баёнот эълон қилган. Унга кўра, 1985 йилда АҚШ билан имзоланган эркин савдо битими доирасида Исроил ҳозирда ушбу мамлакатдан импорт қилинадиган маҳсулотларнинг 99 фоизига бож солмайди.

2024 йилда Исроилдан АҚШга товарлар экспорти 17,3 млрд доллар, хизматлар экспорти эса 16,7 млрд долларни ташкил этган.

“Америка маҳсулотларига божхона тўловларини бекор қилиш менинг ҳукуматим олиб бораётган бозорни рақобатга очиш, иқтисодиётни диверсификация қилиш ва яшаш нархини пасайтиришга қаратилган сиёсатининг навбатдаги қадами. Бу нафақат иқтисодий фойда келтиради, балки Исроил ва АҚШ ўртасидаги иттифоқни янада мустаҳкамлаш имконини ҳам беради”, – дея изоҳ берган Нетаняху.

• АҚШ
• Божхона
• Ҳамкорлик
• Импорт
• Isroil