Бу йил АҚШнинг Forbes журнали биринчи марта Ўзбекистонни дунёдаги энг бой одамларнинг йиллик рўйхатига киритди. Бойлиги 16,7 миллиард долларга баҳоланган Алишер Усмонов энди аввалгидек Россиядан эмас, ўзбекистонлик тадбиркор сифатида рўйхатга олинган.

USM Holdings асосчиси Усмонов кўп йиллар давомида Forbes миллиардерлари рўйхатида бўлиб келмоқда, бу йил унинг бойлиги 3,3 миллиард долларга ошиб, 144-ўриндан 125-ўринга кўтарилди.

Forbes рўйхатни тузишда нафақат фуқароликни, балки яшаш жойини ҳам ҳисобга олади. Усмонов 2022 йилдан бери Тошкентда яшайди ва бу унинг рўйхатдаги мақомини ўзгартириш учун асос бўлиши мумкин. Шунингдек, рейтингда бошқа тадбиркорлар, масалан, Дубайда яшаганлиги сабабли БАА вакили сифатида кўрсатилган Павел Дуров билан боғлиқ ҳолатлар эслатиб ўтилган.

Эслатиб ўтамиз, март ойининг ўрталарида Европа Иттифоқи бизнесмен Алишер Усмоновнинг синглиси Гулбаҳор Исмоиловадан санкцияларни олиб ташлашга рози бўлди.

• Алишер Усмонов
• Forbes
• миллиардерлар