Иқтисодиёт ва молия вазирлигининг маълум қилишича, Telegram ижтимоий тармоғида иш ҳақи тўғрисида маълумот берувчи “Ойликбот” (чат боти) ўчирилган. Унинг ўрнига муқобил сифатида яратилган, хавфсиз ва фойдаланиш учун қулай бўлган “Молиячи” ахборот тизими ишга туширилади.

Мазкур дастур ишга туширилгандан сўнг, ходимлар бевосита иш ҳақи ва бошқа зарур маълумотларни дастурдан юклаб олиш имкониятига эга бўлиши мумкин.

“Дастурнинг ишга туширилиши ҳақида расмий маълумот ижтимоий тармоқ саҳифаларимизда қўшимча ахборот тарзида тақдим этилади”, – дейилади вазирлик хабарида.