Ишикава префектураси ҳукумати Ното ярим оролида содир бўлган 7,6 магнитудали зилзила 2,44 миллион тоннадан ортиқ чиқинди ҳосил қилганини айтди. Бу ҳақда “Тhе Japan Times” хабар берди.

Қайд этилишича, табиий офатдан кейин чиқинди ҳажми тахминан етти йил ичида префектура ҳосил қиладиган миқдорга тенг.

Ишикава префектураси 2026 йил март ойи охиригача чиқиндиларни олиб чиқиб, қайта ишлашни кутмоқда.

"Баҳолашда Атроф-муҳит вазирлигининг ҳисоблаш усулидан фойдаланилади ва зилзила натижасида вайрон бўлган ёки жиддий шикастланган 50 000 га яқин бинолардан тахминан 22 000 таси бузилади", - деди Ишикава ҳукумати.

Вақтинчалик сақлаш жойларида чиқиндиларни йиғиш ва уларни ёнувчан ва ёнмайдиган, ёғоч, металлоломларга саралаш режалаштирилган. Кейин уни префектурадан ташқаридаги қайта ишлаш заводига олиб боради.

Ишикава префектураси чиқиндиларни утилизация қилиш учун марказий ҳукумат субсидияларидан фойдаланишни режалаштирмоқда, чунки харажатлар юқори бўлиши кутилмоқда.

Аввалроқ, зилзила оқибатида инфратузилмага етказилган зарар 17,6 миллиард долларга етиши мумкинлиги  хабар қилинган эди.

• Чиқинди
• Япония
• Зилзила