АҚШнинг собиқ президенти Дональд Трамп амалдаги давлат раҳбари Жо Байден билан мунозарага тайёр эканини айтди. Бу ҳақда у ижтимоий тармоқдаги саҳифасида ёзган, дея хабар бермоқда “Мир24”.
Қайд этилишича, Трамп исталган вақтда ва исталган жойда, жумладан, Нью-Йорк судида баҳс ўтказиши мумкинлигини таъкидлаган. АҚШнинг собиқ президенти Байденнинг интервью вақтида айтган баёнотига шундай жавоб берди.
“Ўғри Жо Байден мунозарага тайёр эканини маълум қилди. Унинг жиддий эмаслигини ҳамма билади, лекин агар у жиддий бўлса, мен: “Ҳамма жойда, исталган вақтда, ҳар қандай жойда” дейман. Келинг, судда миллий теледебат ўтказайлик. Мен кутаман”, деб ёзган Трамп.
Нью-Йорк судида Трамп компаниясининг молиявий ҳужжатларини қалбакилаштириш иши бўйича тингловлар бўлиб ўтмоқда. Сайловолди сафари туфайли Байден ҳам ҳозирча шаҳарда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!