Қашқадарё вилояти Ёшлар ишлари агентлиги Қарши шаҳар бўлими раҳбари ўз ходимини уриб, жағини синдиргани айтилмоқда. Бу ҳақда “Миллар” дастурида хабар берилди.
Маълум бўлишича, ходимнинг жағ қисмида жарроҳлик амалиёти амалга оширилган. Шу туфайли у воқеани сўзлаб беролмади. Аммо унинг онаси ҳолатни тушунтиришга уринди. Унга кўра, раҳбар топшириқларни сўраган. Ўғли бажарганини айтиб, телефонида кўрсатаётган вақтида бошлиғи жағига урган.
“Жағ суяги ёрилиб кетган. Бу инсоннинг боласими? Ўғлимнинг аҳволи ҳозир қониқарли. Эрталаб соат 10:00 ларда жағини тикдик. Ҳозир очилмайди, гапиролмайди. Оғзига сув томизиб ўтирибмиз”, – дейди аёл.
Ёшлар ишлари агентлиги вилоят бошқармаси бошлиғининг таъкидлашича, йиғилиш вақтида раҳбар ва ходим ўртасида ўзаро ҳурматсизлик бўлган. Раҳбарга нисбатан ходим ҳурматсизлик қилган. Йиғилишдан сўнг, хонада уларнинг иккиси қолган, шу сабабли ҳолат бўйича аниқ маълумот йўқ.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!