Koronavirus pandemiyasi sababli Avstriyaga xorijlik sayyohlarning kirishiga qoʻyilgan cheklovlar joriy yil 16-maydan boshlab toʻxtatiladi. Bu haqda mamlakatning rasmiy turistik portali xabar bermoqda.

Ma’lum qilinishicha, mamlakatga xorijdan kelayotgan fuqarolardan endi emlash sertifikati, infeksiya sertifikati yoki COVID-19 testini taqdim etish talab etilmaydi.

“16-maydan boshlab Avstriyaga barcha mamlakatlardan kiruvchilar uchun 3-G qoidasi (emlash, kasallik guvohnomasi yoki salbiy testning mavjudligi) olib tashlanadi”, deyiladi xabarda. 

Qayd etish joiz, aprel oyi boshida Avstriya hukumati koronavirusga qarshi cheklov choralarining aksariyat qismini bekor qilgan edi. Xususan, jamoat joylari, restoranlar va muzeylarga tashrif buyurish uchun endi niqob sinoviga rioya qilish yoki emlash sertifikatini taqdim etish shart emas.

• Avstriya
• koronavirus
• taqiq