15°
Kechasi 2°
27-mart kuni ijtimoiy tarmoqlarda Chorvoq suv omborida suv sathining pasayishi oqibatida yuzaga chiqib qolgan odam suyaklari aks etgan video tarqaldi. Unda ushbu suyaklar bu yerga choʻmilgani kelib choʻkib ketgan odamlarga tegishli ekanini taxmin qilingan.
Boʻstonliq tuman prokuraturasi tomonidan olib borilgan tergovga qadar tekshiruv davomida suv omborining ushbu qirgʻogʻida bundan bir necha yillar avval Boʻstonliq tumanidagi “Bolodala” mahallasi aholisining “Bezgati bogʻ” qabristoni boʻlgani, Chorvoqda suv sathining koʻtarilishi natijasida qabriston suv ostida qolib ketgani aniqlangan.
Ayni paytda suv omborida suv sathi pasaygani sababli qabristondan odam suyaklari yuzaga chiqib qolgan.
Maʼlum qilinishicha, Chorvoq suv omborida har yilning boshida suv sathi pasayishi natijasida bunday holatlar kuzatilib turadi.
Qayd etilishicha, hozir mazkur holat yuzasidan prokuratura tomonidan olib borilayotgan tergovga qadar tekshiruv harakatlari natijasi boʻyicha qonuniy qaror qabul qilinishi taʼminlanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
