La Ligada mavsumning eng yaxshi futbolchisi nomi ma’lum qilindi.

Liga rasmiy sayti xabariga ko‘ra, “Barselona” vingeri Rafinya o‘tgan mavsumning eng yaxshi futbolchisi deb e’tirof etildi. Braziliyalik futbolchi joriy mavsum La Ligada 36 o‘yinda maydonga tushib, 18 ta gol urdi va 9 golli uzatmani hisobiga yozdirib qoydi. Shuningdek, u Kataloniya klubi bilan La Liga, Ispaniya kubogi va Superkubogida g‘olib chiqdi. 

Ushbu mukofot uchun nomzodlar qatorida Lamin Yamal (“Barselona”), Pedri (“Barselona”), Robert Levandovski (“Barselona”), Kilian Mbappe (“Real Madrid”), Vinisius Jr (“Real Madrid”), Isko (“ Real Betis”) va Sunset (“Atletik”) kabi futbolchilar o‘rin olgan edi. Avvalroq “Barselona” bosh murabbiyi Flik — La Ligada mavsumning eng yaxshi murabbiyi deb topilgan edi.

• Barselona
• Futbol
• La Liga
• Mukofot
• Real