Bugun, 2025-yil 5-iyun kuni O‘zbekiston milliy terma jamoasi JCh–2026 Osiyo saralash bosqichi doirasidagi navbatdagi hal qiluvchi bahsda Birlashgan Arab Amirliklari (BAA) terma jamoasiga qarshi maydonga tushadi. Uchrashuv BAAda Toshkent vaqti bilan soat 21:00 da boshlanishi rejalashtirilgan.

Bugungi g‘alaba bilan O‘zbekiston milliy terma jamoasi o‘z tarixida ilk bor JCh chempionati yo‘llanmasiga ega bo‘lishi mumkin.

O‘zbekiston va BAA terma jamoalari shu paytgacha 11 marta to‘qnash kelishgan. Statistikaga nazar tashlaydigan bo‘lsak, O‘zbekiston terma jamoasi ustunlikka ega:

O‘zbekiston g‘alabalari – 5 ta;

BAA g‘alabalari – 4 ta;

Durang – 2 ta.

Umumiy to‘plar nisbati: 14–10, O‘zbekiston foydasiga.

Jamoalar o‘rtasidagi so‘nggi uchrashuv 2024-yil 15-oktyabrda Toshkentda “Bunyodkor” stadionida bo‘lib o‘tgan edi. Unda O‘zbekiston terma jamoasi minimal 1:0 hisobi bilan g‘alaba qozonib muhim 3 ochkoga ega bo‘lgan.

Ma’lumot uchun, o‘sha bahsda O‘zbekiston milliy jamoasini Srechko Katanes boshchiligidagi murabbiylar shtabi maydonga olib chiqqan. Bugun jamoa Timur Kapadze bilan JCh-2026 yo‘llanmasi uchun juda yaqin. BAA – O‘zbekiston uchrashuvidagi durang ham mehmonlarning mundial yo‘llanmasiga egalik qilishi uchun yetarli bo‘ladi.

• BAA
• Futbol
• Jahon chempionati
• O‘zbekiston