Toshkentdagi “Yunusobod sport majmuasi” mezbonlik qilgan dzyudo boʻyicha Toshkent “Katta dubulgʻa” turniri nihoyasiga yetdi.

Dunyoning 49 mamlakatidan tashrif buyurgan sportchilar oʻrtasidagi bahslarda Oʻzbekiston terma jamoasi Yaponiyadan soʻng umumjamoa hisobida ikkinchi oʻrinni egalladi.

Musobaqada dzyudochilarimiz 3 ta oltin, 1 ta kumush va 4 ta bronza, jami 8 ta medalni qoʻlga kiritishdi. Qayd etilishicha, bu “Katta dubulgʻa” turnirlarida medallar soni boʻyicha Oʻzbekiston terma jamoasi uchun yangi rekord hisoblanadi.

Musobaqada gʻolib va sovrindor boʻlgan oʻzbekistonlik sportchilar bilan tanishing:

Oltin medal:

-73 kg: Murodjon Yoʻldoshev

-90 kg: Davlat Bobonov

+100 kg: Alisher Yusupov

Kumush medal:

-66 kg: Sardor Nurillayev

Bronza medal:

-60 kg: Doston Roʻziyev

-66 kg: Muhriddin Tilovov

-81 kg: Muso Sobirov

-70 kg: Gulnoza Matniyazova

• Dzyudo
• Katta dubulg‘a
• O‘zbekiston