Uning rekonstruksiyasi 2023-yildan 2025-yilgacha bosh homiy – Eriell Group ko‘magida amalga oshirilgan. Sig‘imi 10 599 nafar tomoshabinga mo‘ljallangan zamonaviy futbol stadioni Termiz shahrining markazida joylashgan. Endilikda “Surxon” jamoasi uy stadionida raqiblarni qabul qila oladi.

Bir necha mavsumni boshqa shaharlarda o‘tkazgan “Surxon” o‘zining tubdan yangilangan qadrdon stadioniga qaytmoqda. Endi “Surxon Arena” zamonaviy infratuzilma, yaxshilangan tribunalar, tabiiy chim to‘shalgan stadionning sifatli yashil qoplamasiga ega. O‘yinlar FIFA standartlariga mos keladigan zamonaviy yoritkichlarda yoritib boriladi. Sport majmuasining barcha ichki xonalari imkoniyatlari ham sezilarli darajada yaxshilangan.

Yangilangan “Surxon Arena” O‘zbekiston Professional futbol ligasi tomonidan yuqori baholandi. Uning vakillari stadionning yuqori darajada tayyorlanganini, infratuzilmaning talablarga to‘liq javob berishini ta’kidlagan. Mutaxassislarning fikricha, stadionni qayta tiklash bo‘yicha amalga oshirilgan ishlar turli futbol jamoalarini, birinchi navbatda, asosiy jamoani keng rivojlantirish imkonini beradi.

• Sport
• Sport gimnastikasi
• Surxondaryo