Shavkat Mirziyoyev raisligida o‘tkazilayotgan yig‘ilishda ishchi-xodimlarning samarali faoliyati uchun 3 ta asosiy ijtimoiy masalada (kasallik, ishsiz qolish, homiladorlik) bosqichma-bosqich kafolatli himoyalash tizimi joriy etilishi ta’kidlandi.

Ma’lum qilinishicha, norasmiy sektorda ayollar ulushi 57 foizni tashkil qilmoqda.

Bunga sabab ko‘plab ish beruvchilar homiladorlik nafaqasini to‘lashda ortiqcha xarajat qilmaslik uchun ayollarni rasmiy ishga olmaslikka harakat qiladi.

Shu boisdan, 2022-yil sentyabrdan boshlab “dekret” to‘lovlarining bir qismini davlat byudjeti hisobidan to‘lash tartibi joriy etilmoqda.

Mazkur ishlarni tizimli yo‘lga qo‘yish maqsadida 1-sentyabrdan Moliya vazirligi huzurida Ijtimoiy sug‘urta jamg‘armasi tashkil etiladi. Jamg‘armaga joriy yilda byudjetdan 170 milliard so‘m ajratiladi.

Ta’kidlash joiz, ,mutasaddilarga 1-avgustga qadar “dekret” pullarini to‘lash jarayonini to‘liq raqamlashtirish topshirildi.

• Ayollar
• Dekret
• Prezident
• Shavkat Mirziyoyev