Bu haqda AOKAda bo‘lib o‘tgan brifingda Majburiy ijro byurosi axborot xizmati rahbari Farrux Toshpo‘latov ma’lum qildi.

Davlat foydasiga 18,5 trln so‘m, tadbirkorlik va boshqa subyektlar foydasiga 10,4 trln so‘m hamda banklar foydasiga 12,3 trln so‘mlik mablag‘lar undirilgan.

Jumladan, O‘zbekiston fuqarolarining manfaatlari uchun 1,7 trln so‘mdan ortiq undiruvlar amalga oshirilgan.

Fuqarolarning mol-mulkiga daxl qilmasdan va majburiy ijro harakatlari o‘tkazilmasdan axborot texnologiyalari yordamida masofaviy tarzda ishlaydigan 15 ta tumanlararo bo‘limlari tomonidan 760,1 mlrd so‘mlik, 2,1 mln.ta hujjatlarning ijrosi ta’minlangan.

Energiya resurslari sohasida 44 250 dan ziyod ijro ishlari tamomlanib, 907,6 mlrd so‘mlik qarzdorliklar ham undirilgan.

Moddiy yordamga muhtoj farzandlar foydasiga 1,7 trln so‘mlik aliment mablag‘lari undirilgan.

“Aliment to‘lovlari” jamg‘armasi hisobidan voyaga yetmagan farzandini moddiy ta’minlashdan bo‘yin tovlaganlik uchun jinoiy javobgarlikka tortilgan qarzdorlarning 620 nafar undiruvchilariga 20,9 mlrd so‘m zarar pullari to‘lab berilgan.

Ishsiz aliment to‘lovchi fuqarolarning 23 245 nafari ishga joylashtirilgan, shu bilan birga olib borilgan tushuntirish va profilaktika ishlari natijasida, 12 300 dan ortiq oilalar yarashtirilgan.

• MIB