Bugun, 7-iyun kuni Prezident raisligida o‘tkazilayotgan yig‘ilishda yo‘l bo‘yi infratuzilmasini rivojlantirish masalasiga to‘xtalib o‘tildi. 

Ma’lumotlarga ko‘ra, Boysundagi Omonxona qishlog‘ida 1 ta sihatgoh, 3 ta mehmonxona bo‘lib, mehmonlarni 190 ta xonadon qabul qiladi (yiliga o‘rtacha 22-25 ming mehmon keladi).

Ushbu qishloqdagi hokim yordamchisi mehmonlar oqimini 100 mingga yetkazish bo‘yicha ish boshlagan.

Ta’kidlanishicha, agar yo‘l infratuzilmasi yaxshilansa, yo‘l bo‘yida 200 dan ziyod servis obyektlari va kamida 1 mingta ish o‘rinlari paydo bo‘ladi. 

Umuman, 28 ta yirik shahar, xizmat ko‘rsatish salohiyati yuqori 10 ta tumanda ishlar yangi yondashuvlar asosida tashkil etiladi. Xususan, bu hududlarning master-rejasi ishlab chiqishga 200 milliard so‘m ajratiladi.

Bunda:

- bir hafta muddatda har bir tuman va shaharda loyiha ofislari tuzilib, xorijiy konsalting kompaniyalari va ekspertlar jalb qilinadi;

- loyiha ofislari bir oy muddatda ushbu tuman va shaharlar aholisi takliflari asosida master-rejani ishlab chiqadi.

Shuningdek, ushbu tuman va shaharlarga tijorat banklari biriktirilib, servis loyihalarini moliyalashtirishga mas’ul bo‘ladi.

• Boysun
• Mehmonxona
• Shavkat Mirziyoyev
• Videoselektor
• hokim