Biroz avval Samarqandda Butunjahon jamiyatining “Oʻzbekiston madaniy merosi – yangi Renessans poydevori” VI Xalqaro kongressi doirasida Samarqand shahridagi Yoshlar ijod saroyida Oʻzbekiston madaniy merosi zamonaviy ilm-fan diqqatida” mavzusida xalqaro ilmiy konferensiya boʻlib oʻtdi.

Unda “Oʻzbekiston madaniy merosi jahon toʻplamlarida” loyihasi tahrir hayʼati raisi Akmal Saidov, Oʻzbekiston Respublikasi Fanlar akademiyasi vise-prezidenti Bahrom Abduhalimov, Oʻzbekiston madaniy merosini oʻrganish, saqlash va ommalashtirish boʻyicha Butunjahon jamiyati boshqaruvi raisi Firdavs Abduxoliqov ishtirok etdi.

Shuningdek, Butunjahon jamiyatining Avstriya, Ozarbayjon, Bahrayn, Buyuk Britaniya, Vengriya, Germaniya, Misr, Isroil, Hindiston, Italiya, Eron, Ispaniya, Qozogʻiston, Qirgʻiziston, Malayziya, Marokash, Moʻgʻuliston, Rossiya, AQSH, Tojikiston, Turkmaniston, Turkiya, Oʻzbekiston, Fransiya, Shveysariya, Shvetsiya, Yaponiya kabi mamlakatlardan tashrif buyurgan aʼzolari qatnashishdi.

Aytish mumkinki, “Oʻzbekiston madaniy merosi – yangi Renessans poydevori” VI Xalqaro kongressi doirasidagi tadbirlar davom etadi.

Xususan ertaga, xalqaro kongressning ochilish marosimi boʻlib oʻtadi.

Kongressning asosiy voqeasi — “Oʻzbekiston madaniy merosi jahon toʻplamlarida” (51-60 jild) turkumidagi 10 ta yangi kitob-albomlar taqdimoti boʻlib oʻtdi.

Qayd etish mumkin, kongressi Turizm va Madaniy meros vazirligi tomonidan qoʻllab-quvvatlanmoqda.

• Kongress
• Madaniy meros
• Samarqand
• Vazirlik