Tayvan qirg‘oqlaridan 120 kilometr uzoqlikda joylashgan Pingtan oroli yaqinida Xitoy Xalq ozodlik armiyasining birinchi DF-17 kompleksining gipertovushli raketasi sinovdan o‘tkazildi. Bu haqda “AeroTime” xabar berdi.

Qayd etilishicha, mashq bugun, 1-avgust kuni Xitoy Xalq Ozodlik Armiyasi "XXOA" tashkil topganining 95 yilligi arafasida bo‘lib o‘tgan.

Nashr mualliflariga ko‘ra, kuch namoyishi AQSh Vakillar palatasi spikeri Nensi Pelosining Hind-Tinch okeani mintaqasiga safari doirasida Tayvan oroliga potentsial tashrifi bilan uzviy bog‘liq.  Chunki ushbu tashrif munosabati bilan AQSh va Xitoy o‘rtasidagi keskinlik kuchaygandi.

Ma’lumot uchun, DF-17 Xitoyning birinchi gipertovushli planer quroli ekani aytilib kelinadi. DF-17 o‘rta masofali raketa tizimi (Donfeng-17) DF-16 kompleksining ishlanmasi hisoblanadi. Uning ballistik raketasiga jangovar kallak sifatida DF-ZF gipertovushli planerdan foydalanilgan, u 10 March (12 300 km/soat) tezlikda harakatlana oladi. Kompleks oddiy va yadro kallaklari bilan birga 2,5 ming kilometr masofadagi nishonlarga zarba bera oladi. U quruqlikdagi platformadan DF-17 gipertovush tizimini ishga tushirishni o‘z ichiga oldi.

“XXOA” ikkita gipertovushli qurolga ega, DF-17 va DF-21, CH-AS-X-13 deb nomlanuvchi gipertovushli kemaga qarshi raketa. Uchinchi gipertovush platformasi, YJ-21 deb nomlangan kemaga qarshi raketa hozirda ishlab chiqilmoqda.

• Gipertovushli rakea
• Xitoy