“Huquqiy axborot” kanalida ish qidirayotgan shaxslar uchun foydali maslahatlar berildi. Unga ko‘ra, endilikda xususiy bandlik agentligining aybi bilan bekor qilingan shartnoma uchun agentlik ish qidiruvchiga kompensatsiya to‘laydi.

Qonunchilikka ko‘ra, ish qidirayotgan shaxslar xususiy bandlik agentliklari oldida quyidagi huquqlarga ega:

• ishga joylashtirishga ko‘maklashish bo‘yicha xizmatlar ko‘rsatish to‘g‘risidagi shartnoma bajarilishining borishi haqida axborot olish;

• xususiy bandlik agentligi tomonidan shartnoma shartlari bajarilmagan taqdirda va qonun hujjatlarida nazarda tutilgan boshqa hollarda, xizmatlar ko‘rsatish to‘g‘risidagi shartnomaning bekor qilinishini talab qilish;

• xizmatlar ko‘rsatish to‘g‘risidagi shartnoma xususiy bandlik agentligining aybi bilan bekor qilinganligi tufayli yetkazilgan zararning o‘rni qoplanishini va ma’naviy ziyon kompensatsiya qilinishini talab qilish;

• o‘z huquqlari va qonuniy manfaatlari buzilgan taqdirda tegishli davlat organlariga, iste’molchilarning huquqlarini himoya qiluvchi tashkilotlarga, xususiy bandlik agentliklarining birlashmalariga yoki sudga murojaat qilish.