Ikki muqaddas masjid Bosh boshqarmasi koronavirus sababli cheklangan sharoitda Zamzam suviga bo‘lgan katta talabni qondirish maqsadida muqaddas suv Saudiya Arabistoni bo‘ylab savdo nuqtalari orqali tarqatilishini ma’lum qildi.
 
Zamzam suvi Qirol Abdulloh suv loyihasining asosiy operatori bo‘lgan Milliy suv kompaniyasi (NWC) bilan tegishli shartnomalarini tuzgandan so‘ng “Othaim” do‘konlar tarmog‘ida va “LuLu Group” savdo nuqtalarida sotiladi.
 
Qayd etilishicha, savdo shoxobchalarida Zamzam suvini sotish jarayoni shu haftaning oxirida boshlanadi.
 
NWC bosh direktorining ta’kidlashicha, kelgusi hafta elektron platforma ishga tushiriladi, ushbu sayt orqali odamlar muqaddas suvga onlayn buyurtma berishi mumkin.
 
Oldinroq Qirol Abdulloh koronavirusga qarshi kurash chora-tadbirlari doirasida Zamzam suvini sotish vakolatiga ega bo‘lgan barcha savdo nuqtalarini yopib qo‘ygandi.

So‘nggi ma’lumotlarga ko‘ra, Saudia Arabistonida 42 925 kishi koronavirus bilan kasallangan, 264 bemor vafot etgan, 15 257 kishi sog‘aygan.