“Jon Uik” filmi ssenariychisi Derek Kolsta ushbu kinofranshizaning kelajakdagi rejalari haqida oshkor qildi. Uning aytishicha, yollanma qotil (killer)ning “sarguzashtlari” hali davom etadi.
Filmning so‘nggi marta uchinchi qismi e’lon qilingan bo‘lsa, tomoshabinlar yaqin kunlarda uning davomidan ham bahramand bo‘lishlari mumkin. Kinofranshizaning beshinchi final qismi ham e’lon qilinishi rejalashtirilmoqda.
Derekning aytishicha, “Jon Uik”ning hamma qismlarida bosh rolni ijro etgan Kianu Rivz bu safar ham ishtirok etadi. Filmning to‘rtinchi qismini tasvirga olish jarayoni pandemiya tufayli qoldirilgan edi. Kinoteatrlarda esa 2022-yilning may oyidan keyingina namoyish qilinishi aytilmoqda.

“Jon Uik” haqida qisqacha...
Amerikancha boyevik, 2014-yilda Chad Staxelski va Devid Litch rejissyorligida yaratilgan. Film uch qismdan iborat boyevik – Jon Uik (2014-yil), Jon Uik 2 (2017-yil) va Jon Uik 3 (2019-yil)ga asoslanadi. Syujet yollanma qotilning “sarguzashtlari” haqida so‘zlaydi.
Bosh rolni Kianu Rivz ijro etgan. Filmning ilk permyerasi 2014-yil, 13-oktyabrda Nyu-York shahrida o‘tkazilgan.