O‘zbekiston musulmonlari idorasi huzuridagi Haj va Umra markazi yangi umra mavsumini 2025-yil avgust oyidan boshlanishini e’lon qildi.

So‘nggi yillarda umra safarlari yuqori saviyada tashkil etilib, ziyoratchilarga sifatli va qulay xizmatlar ko‘rsatilmoqda. Shuningdek, ibodatlarning shariat talablariga muvofiq bajarilishi Haj va Umra markazi tomonidan ta’minlanmoqda.

O‘ttiz yildan ortiq amaliy tajriba asosida ziyoratchilar uchun o‘n kunlik maxsus Umra dasturi taklif etilmoqda.

Dastur doirasida quyidagi qulayliklar nazarda tutilgan:

• “Uzbekistan Airways” aviakompaniyasi orqali Toshkent–Jidda–Toshkent yo‘nalishida to‘g‘ridan to‘g‘ri parvozlar;

• 3 kecha Madina, 7 kecha Makkada bo‘lish;

• Jidda–Madina, Madina–Makka va Makka–Jidda yo‘nalishlarida zamonaviy avtobuslar xizmati;

• Makka va Madina shaharlarida barcha sharoitlarga ega mehmonxonalar;

• 3 mahal mazali taomlar;

• Madina shahridagi Nabaviy masjidi, “Ravza”, Qubo, Qiblatayn masjidlari va Uhud maydoniga ziyorat;

• Makka shahridagi Arafot, Mino, Muzdalifa vodiylari hamda Nur va Savr tog‘lariga ziyorat;

• Jidda shahridagi Qizil dengizga sayohat.

Umra safari davomida ziyoratchilarga tajribali ishchi guruhi, taniqli imom-xatiblardan iborat guruh rahbarlari, malakali shifokorlar hamrohlik qilib, ibodat va safarning oson va xotirjam o‘tishini ta’minlaydilar.

• Haj
• Umra