BMW kompaniyasi 1970-yillarda ishlab chiqarilgan 3.0 CSL kupesiga bag‘ishlangan 3.0 CSL Hommage prototipini namoyish qildi. Konsept-kar Villa D’Estedagi bashanglik tanlovida ilk bor namoyish etildi. 

BMW kompaniyasi prototipni yaratishda karbon materialidan keng foydalandi. Bu materialdan avtomobildagi oldi splitter, diffuzor hamda eshik ostonalari nakladkalari ishlangan. 

Prototipda orqani ko‘rish uchun mo‘ljallangan yon oynalar o‘rniga kameralar o‘rnatilgan. Shuningdek, avtomobil bosh yorug‘lik lazer faralari, tormoz mexanizmlarini qo‘shimcha sovitish tizimi va svetodiod orqa faralar bilan jihozlangan. 

3.0 CLS Hommage salonida ikkita olti nuqtali xavfsizlik kamariga ega poyga kreslolari o‘rnatilgan. Mashinada ikkinchi qator o‘rindiqlar mavjud emas. Haydovchi va yo‘lovchi o‘rindiqlari o‘rtasida shlemlar uchun mahkamlagich joylashgan. Konsept-kar DTM uslubidagi avtomobillar uchun xos bo‘lgan rul hamda tezlik, tanlangan uzatma va tirsakli val haqidagi ma'lumotlar uzatiluvchi displey bilan jihozlangan. 

Prototip eBoost tizimiga ega olti silindrli dvigatel yordamida harakatga keltiriladi. eBoost tizimi elektr motor hisobiga tortish kuchini vaqtinchalik oshirishga imkon beradi. eBoost batareyalari kreslo orqasida joylashgan, uning quvvatlanish darajasi haqidagi axborot markaziy displeyga chiqariladi. 

3.0 CSL Hommage seriyali tarzda ishlab chiqarilishi haqida hech qanday ma'lumot berilmagan.

Ma'lumot uchun, 3.0 CSL modeli ilk bor 1972 yilda namoyish etilgan. Model shunday avtomobilning Yevropa turing musobaqalari uchun takomillashtirilgan versiyasi sifatida ishlab chiqilgan. Ikki eshikli avtomobil alyuminiy eshiklar, kapot va yukxona eshigi bilan jihozlangan bo‘lgan.